Легендарны нямецкі гурт, які стаяў ля вытокаў новай хвалі тэўтонскага рамантычнага неафольку. Праект Orplid быў створаны Увэ Нолтэ і Франкам Махау ў 1996 годзе ў саксонскім горадзе Гале пад дэвізам «Захаванне і адраджэнне нямецкай паэзіі». Назва праекту ўзятая з верша нямецкага паэта XIX ст. Эдуарда Мёрыке «Gesang Weylas», які апавядае пра далёкі райскі востраў, дзе валадарыць боская згода і пануе суладдзе. Чытаць далей… »»
Культавы фольк-калектыў, музыку якога можна паслухаць толькі ўжывую. Самі сябе яны акрэсліваюць як «гурт рытуальнага фальклору». Гэта незвычайны музычны калектыў. Ад самога пачатку музыкі не мелі мэты даваць канцэрты, бо яны граюць і спяваюць перадусім для свайго кола, для саміх сябе, і гэта для іх найбольш істотнае. Падставай да супольнай творчасці і стварэння ESSY стала даўняе замілаванне музычнай традыцыяй аднаго этнакультурнага рэгіёну — паўночнай Беларусі (Крыўя, Нальшчаны) і ўсходняй Літвы (Аўкштайція, Дзукія). Прынцыповым для музыкаў ёсць імкненне да традыцыйнай манеры спеву і грання, якое, аднак, больш імправізацыя, чым дакладнае капіяванне аўтэнтычных узораў. ESSA — працяг сакральнай музычнай традыцыі нашага этнасу. http://essa.kryuja.org
Адзін з старэйшых і найвядомейшых фольк-гуртоў Беларусі. Аснову рэпертура калектыву складаюць абрадавыя спевы – найбольш архаічны пласт традыцыйнай народнай беларускай культуры. Многія спевы ўжо не сустракаюцца ў аўтэнтычным выкананні – яны былі адноўленыя паводле нотных запісаў.
PRAGNAVIT – гэта самы слынны Ritual Dark Wave праект Беларусі, за якім стаіць Voist Angiras, вядомы з гурта UDUMBAL, адзінай з беларускіх камандаў, якая выдала два паўнафарматныя кампакт-дыскі за мяжою. PRAGNAVIT у інтэрпрэтацыі са стараславянскай азначае “Прагны Вайны”. Лейтматыў ваяўнічасці PRAGNAVIT заключаны не столькі ў мілітарысцкім пасланні, колькі ва ўяўленні імперыялізма Сусвету Духу, містыкі памерлых, магічнай эвакацыі “Presente!”. Архетып PRAGNAVIT - элітарная каста Ваяроў-Святараў, паўміфічны Крыве-Крывейта, ваяўнічы аватара Апошняй Бітвы. Выступ PRAGNAVIT – гэта заўсёды непаўторны рытуал, удзельнікамі якога становяцца гледачы. Чытаць далей… »»
Маладая гомельская каманда, што грае сумесь martial і неакласікі. Дэбютавалі музыкі на другім фэсце CRIVIA AETERNA, і вось, пасля шэрагу дэма-рэлізаў, каманда прадставіць вам свой дэбютны альбом Treue Vaterland Jugend, які выйшаў гэтай зімой на вядомым расійскім лэйбле Der Angriff.
Новы dark wave праект гомельскага музыкі Darkut (аднага з удзельнікаў знакамітага метал-гурта OYHRA). Варта адзначыць, што на нашым мінулым фэсце музыка выступаў са сваім іншым праектам, праграма якога адрознівалася ад таго, што вы ўбачыце ў красавіку. Для DALINA цяперашні выступ будзе дэбютным.
EVGEN — сольны праект Яўгена Барышнікава. Спалучаючы тэхнічнасць акампаніменту, у меру эмацыйную падачу і глыбока прасякнутыя “тутэйшасцю” тэксты, Яўген спрабуе выйсці па-за асады стэрэатыпных уяўленняў пра чалавека з акустычнай гітарай. Гэта не механічны паўтор, а шторазу шчырае перажыванне песняў, узнаўленне Пачуцця і Ідэі на вачах у аўдыторыі. Бард-рок? Песні менестрэляў? Акустычны метал? Важнае не столькі імя, колькі змест: “Беларусец? Ліцьвін? Крывіч? Ды як хочаш сябе заві і як хочаш кліч… Але бяз гэтай зямлі сьвятой усе імёны твае ды і сам ты — нішто”. Чытаць далей… »»
Стварэннем праекту Dzivasil музыкі абавязаны творцам зямлі беларускай, чые імёны не дайшлі да нашчадкаў, у адрозненні ад іх у адрозненне ад іх творчасці. Мэта праекту — не аўтэнтычнае выкананне і не лубок з жыцця беларускага народу.
DZIVASIL — гэта ўспаміны ўспамінаў, калі музыка канцэнтруецца ў незакранутых сёняшняй рэчаіснасцю куточках памяці, дзе захоўваюцца успадкаваныя намі вобразы, якія музыкі злучаюць з сучаснымі і футурыстычнымі сродкамі музычнае мовы. У выніку атрымаўся сучасны этнічны праект у стылі этна-эмбіент.
Sevast глядзіць на свет з інвалюцыянісцкіх пазіцыяў, разумеючы сучасную эпоху як Час Заняпаду, Сістэму Рэчаў. Эпоху, у якой чалавек, пазбаўлены трывалых сувязяў і светагляданай глебы пад нагамі, аказваецца выкінутым за межы Космасу – застаецца жыццяздольным толькі ў штучным ружовым свеце артэфактаў і міфаў. Сведчаннем чаму з’яўляецца і дэградацыя разумення музычнай творчасці: ад чыстай магіі і «алгебраічна выверанага малення (дыялогу з Прынцыпам)» да вульгарнага сродку ўпрыгожання і падтрымання эмацыйнага тонусу. Sevast даследуе традыцыйныя аспекты музычнай творчасці ў век Заняпаду, уваходзячы ва ўзаемадзеянне з Космасам праз пераасэнсаванне сучаснага «ужытковага» музычнага мастацтва з традыцыяналісцкіх пазіцый. Выкарыстоўваючы побач з тэхнічнымі інструментамі архаічныя і класічныя прыёмы, а таксама, звяртаючыся да архетыпаў Імперскага Залатога Веку, Sevast стварае драматычныя гукавыя палотнішчы, маленькія трагедыі Вечнага і Мінулага, што разыгрываецца на нашых вачах.
Crivia Aeterna — ЖЖ